زجل
بصاره وبراجه
أحلا قارئ للفنجان
مغمض ومفتح عينان
تقرا الطالع والنازل
يطقو يجنوالعواز ل
ويغارو كل النسوان
بكره جازة شفيقه
مابتتأخر ولا دقيقه
يلبسوها العقيقه
وطرحه حرير رقيقه
لو صادق قولو الفنجان
وبالأسبوع اللي جايي
اسرار بعبا مخبايي
حكاية بوعبدو حكايي
صاروا نسوانو تنتان
لاتصدق كل شي ينقال
مكتوب بشاشة نقال
كل مين بيخون مراتو
بيسبوه بحاراتو
فنجانو دايما مكسور
وبضميرو والوجدان
شوقالت هالبصاره
خربت بيوت الحاره
خافوها كل النسوان
بصارتها زور وبهتان
لاضمير ولاوجدان
فاضي مصاري الجزدان
ماشي يحكي مع حالو
يجرجر خيبات ذيالو
شو لي غير أحوالو
غير السحر والنسوان
كيف ساحرتو شفيقه
بهالخرزه والعقيقه
من صبحيه عالفيقه
يحس صداع وشقيقه
يمشي ويحاكي حالو
ملبك بافكارو وسهيان
عملتها هالبصاره
بعياقه وبشطاره
حتى المي بقطاره
شاربها جوز التنتان
الأديب الشاعر
سليمان أبا الحسن
